PETISYON SOU KI TRANZISYON NOU VLE POU APRE JOVENEL

Lide RENESANS pou pwojè tranzisyon ki dwe fèt aprè depa Jovenel :

1-   Lanse refom yo nan administrasyon piblik la tou swit an komansan pa enstans kap rantre kòb pou leta yo, answit lajistis, Ledikasyon, Sante, … sa sipoze pran ant 2 a 3 zan ;

Realize pwosè petro karibe a ak pwosè tout masak yo ki fèt sou Jovenel Moise yo, sa yo kab pran ant 3 a 5 an, anndan menm tranzisyon an;

2-     Lanse politik piblik pou favorize enplantasyon e devlopman fèm agwo-endistriyèl yo paralelman depi nan premye âne a, nan dis (10) depatman peyi avek 2 pou pipiti nan chak, lap pran 2 a 4 an

3-      Prepare e lanse politik piblik pou etabli santral endistriyel enjenri yo pou devlopman 4 gran rejyon yo ki nan peyi a depi nan premye âne a tou, e komanse konstriksyon nouvel vil yo pou rezoud pwoblem lojman popilasyon an apati 3em ane a e pou al fè reamenajman teritwa nasyonal la. Pou lansel e rive nan yon pwen detèminan sa ap pran 10 zan nan yon pwojè 30 an pou pipiti ;

4-   Mete sou pye konsèy konstitisyonel la pou prepare amandman yo ou chanjman konstitisyonel la, nan 6èm e 7èm ane tranzisyon an;

6-     Mete sou pye konsèy elektoral pèmanan an sou 7èm ane a e nouvo biwo pou okipe zafè anrejistreman sitwayen yo pou fòme nouvo baz de done elektè yo ak tout garanti ki pou anpeche fwod elektoral;

7-     Òganize bon jan eleksyon yo nan yon nouvel Ayiti nan nevyèm (9) ane a pou nouvo prezidan an rantre an fonksyon nan dizyèm ane a. 

Pouvwa ki pwal aplike pwogram sa dwe sòti nan yon gran konsansis ant tout sektè yo e lap pi bon poul yon gouvènman inyon nasyonal ak moun ki pa gen okenn vye dosye malvèsasyon, koripsyon ak krim sou do yo.

Petition sa ap la pandan 2 mwa, sa vlé di lap fini 10 Novanm. Patajel ak zanmiw e siw dakò di sa nan yon komantè nan espas ki rezève pou sa sou blog la. 

Merci

RENESANS